De Naturpark Our invitéiert op seng Klimapakt-Assises ronderëm d’Thema Energiewend mam Titel « Wir kriegen die Kurve!? »
D’Veranstaltung riicht sech un all Interesséiert a kann ouni Basiskenntnisser besicht ginn.
De Prof. Dr. Christian Stöcker ass Psycholog, Journalist, Auteur a Professer fir Digital Kommunikatioun op der HAW Hamburg. Virdru war hie méi wéi eelef Joer fir SPIEGEL ONLINE täteg. Haut beschäftegt hien sech intensiv mat de groussen Transformatiounsprozesser vun eiser Zäit an domat, wéi technologesch Entwécklungen, gesellschaftleche Wandel an Energiewend zesummespillen. Als Auteur vu verschiddene Sachbicher a laangjäregen SPIEGEL-Kolumnist versteet hien et, komplex Zesummenhäng verständlech, fundéiert a pointéiert ze vermëttelen.
A sengem Virtrag hëlt de Prof. Dr. Stöcker Iech mat op eng spannend an anschaulech Rees duerch d’Energiewend a weist, mat wéi engem beandrockenden Tempo den Ëmbau hin zu erneierbaren Energien haut scho virugeet – a wéi eng Erausfuerderungen nach virun eis leien.
Well d’Zuel vun de Participante limitéiert ass, biede mir Iech, Iech iwwer de QR-Code um Flyer respektiv ënnert follgendem Ling unzemellen: https://forms.cloud.microsoft/e/i5bLiemxec?origin=lprLink
